Söwdanyň gün-günden ösmegi bilen konkurentleriň arasyndaky ýaryşlar, her bir Alyjyny özlerine çekmek üçin dürli görnüşli Aksiýalary, Arzanladyşlary we birnäçe beýleki ýeňillikleri döretmäge getirýär. Ýöne bu ýeňillikleriň hiç birem ökde, tejribeli satyjynyň ornuny tutanok! Haçanda gowy hyzmat edilende, üns bilen aljak harydyňy saýlaşylanda, ýene şol magazynyň hyzmatlaryny peýdalanyp, haryt almak isleýäň.
Şonuň üçin Söwda nokatlarynyň eýeleri elmydama gowy Satyjynyň gözleginde. Emma gynansakda öz işine ökde satyjyny tapmak ýeňil düşüp baranok.
Dogrudanam, irden gelip soňam smenyň gutoronyna garaşyp işi günüňi geçirip bolar, Ýöne paýhas bilen seredip dogry işleseň has köpem gazanyp bolýar. Bilşimizçe Satyjylar, aýlygyň daşyndan satyşdan prosent alýan bolsa gerek, onda näme üçin satyşy ösdürüp has köp aýlyk almaga synanyşmaly däl??? Eýýäm Gündeki edilen her bir kiçi bonuslar ummasyz pul bolup aýlyga goşulanda, işde işlemäge höwesiňi artdyrýar hem-de öz edýan işiňe lezzet döredýär.
Satyjy-Konsultandyň işi, öz ukybyňy artdyrmak üçin gaty peýdaly, sebäbi satyşda dürli adamlar bilen gepleşik geçirýäň, her bir alyjyň inçe häsiýetini öwrenýäň, satýan harydyň artykmaçlyklaryny öwrenip adamlara harydyňa bolan ynamy döredýäň. Şeýle-de Ýokary derejeli Satyjy, moda, psihologiýa, matematika, iňlis we rus dilleri ýaly gerekli ugurlardan baş alyp çykmaly bolýar. Haçan magazyn gymmat harytlary satanda satyjylardan ýokary intellekt talap edýär. Sebabi gymmat harydy alýan alyjy hilli hyzmaty talap edýär. Şonuň üçin Satyjy-Konsultant magazynyň ÝÜZI bolmak bilen hökman öz daş keşbine, egin eşigine-de üns bermeli.
Eger siz şu aýdyp geçen talaplarymyz bar bolsa we ýenede öz tejribäňizi biziň komandamyz bilen artdyraýyn diýseňiz onda Biz bilen habarlaşyň.
+99362777776. Berkarar SDAM, I Gat, Alem Sport.
